يوميات بنات شقاوة بس اخر حلاوة الجزء 6

ازيكم يا احلى عضوات بالدنيا معلش غبت عنكم شويه بس يلا ادينى هكتب الحلقه السادسة يا رب يتعجبكو


ف المدرسه :
شاهى : بقولكو ايه مش عايزة اروح بسرعه النهاردة ايه رأيكو نروح ناكل برا
ريتاج بفرحه :هنروح المطعم
ملك : طيب ..اوك
ذهبن البنات الثلاثه الى المطعم واول مدخلو كانت صدمه كبيرة لملك فكان بالمطعم احمد وعلى ع تربيزا وكريم ومعاه واحده ع تربيزا تانيه وماسك ايد البنت بمتهى الرقه والرومانسيه
كريم شاف ملك ع باب المطعم فقامت خرجت من المطعم
كريم : ملك ..ملك ..استنى بس
خرجت البنتين ورا ملك ووراهم كريم واحمد وعلى طبعا مش فاهمين حاجه فخرجو وراهم ووقفو بعيد
مسك كريم ايد ملك
ملك : عايز ايه
كريم : انا قلتلك قبل كده دى بنت عمى وبابا مصمم ..
ملك مقاطعه وبتقول بغضب : انت هتضحك عليا ولا ع نفسك انت نسيت انى خرجت معاك انت وبنات عمك يعنى مش هتوه عن واحده منهم
مط كريم شفتيه وقال : ملك انا ..انا ..انا اسف ..انا لسه ..
قاطعتو ملك تانى : لسه ايه بتحبنى هيا كانت مسرحيه فاشله من الاول وجاى دلوقتى عايز تكملها وترفع الستارة تانى يابجحتك ياخى
وهنا وعند علو صوت ملك اقترب احمد وعلى ببطء
كريم : ملك ...
تدخل احمد : ف ايه يابنات بيضايقكو
كريم بغضب : وانت مالك انت ياحيوان
احمد بغضب:مين اللى حيوان ..مش عيب لما تعاكس بنات ف الشارع
كريم : وهما كانو اشتكولك ..وبعدين مين قالك انى بعاكسهم
احمد : كان بيعاكسكو ولا لاء يابنات
نظرت ريتاج وشاهى الى ملك وكأنهما تركتا الرد لها
ملك : ايوة يااحمد كان بيعاكسنا
كريم : احمد ..وانتى كمان تعرفيه
لسه ملك هترد عليه ..
فقال احمد : بقولك ايه ياكابتن اشارتك خضرا
كريم : بقولك ايه انت ملاكش دعوة احسن ليك شكلك عيل وانا مش عايز ازعلك عشان متروحش تعيط لبابا
فضربو احمد بالبوكس ف وشو :مين اللى عيل يا ...
والاتنين قعدو يضربو ف بعض وعلى بيحاول يحجز بنهم لغايه كريم مضرب احمد ف وشو ووقع احمد ع الارض
احمد : اااااااااااااه
ريتاج بخوف : احمد
وبس وانتهت الخناقه عندما مسك على احمد
كريم : دى اخرت العيال
ونظر لملك بغضب فأشحات وجهها ف الناحيه الاخرى فرحل كريم


دخلو احمد ف المطعم وقعدوه ع الكرسى
احمد : اااااااااااااه ياعينى
ملك : انا اسفه يا استاذ احمد
احمد : لا لا ولا يهمك يا انسه ..ملك تقريبا ..سمعتو بيناديكى كده ..هو انتو تعرفوه
ريتاج : لا ابدا دى حكايه قديمه وخلصت خلاص
نظر احمد لريتاج بحنيه : المهم ميكنش ف حكايه جديده وانا معرفهاش
ريتاج : المهم ان انت كويس دلوقتى
احمد : احسن وانتى معايا
ريتاج اتكسفت اوى وبصت للارص
احمد : مجتيش ليه امبارح
ريتاج : كنت تعبانه شويه
احمد : الف سلامه عليكى ..طيب ممكن اعزمكو بقى
نظر البنات الثلاثه الى بعضهن بتساؤل
فتابع احمد : عشان خاطرى
ريتاج : طيب اوك


بعد مطلبو الاكل
على وهو ينظر الى شاهى : هو انتى اسمك ايه ؟؟
شاهى : وعايز تعرف اسمى ليه
على : عادى يعنى اصل قاعدين ع تربيزا واحده ومعرفش اسمك
شاهى وهى تقوم :اقوم يعنى
على ممسك بيدها : لا لا مش قصدى اقعدى عشان خاطرى ..بس كنت عايز اعرف اسمك
شاهى : اسمى شاهى
على : عاشت الاسامى ..وانا على
شاهى : اهلا وسهلا
على : عندك كام سنه ؟؟
شاهى : 15 سنه
على : العمر كلو ..وانا 18
شاهى : العمر كلو
على : وياكى
فابتسمت ابتسامه خفيفه وبكسوف وبصت لملك وريتاج فابتسمتا



جه الاكل وقعدو ياكلو واحمد وريتاج بيبوصو لبعض وعلى بيبص ع شاهى من تحت لتحت
وبعد مخلصو قامت ملك وريتاج ووراهم شاهى وغسلو ايديهم
ولما رجعو قام احمد وعلى وراحو غسلو ايديهم
بعد مرجعو
احمد : بالهانا والشفا يا ريتاج ..بالهانا والشفا يابنات
البنات : شكرا
شاهى : طيب احنا لازم نمشى بقى عشان اتأخرنا
على : هشوفك تانى
شاهى : ان شاء الله
ريتاج : يلا سلام
احمد : سلام